曾经响状元坊附近比人偷手机既各位注意啦
大家好！
今日下午，小弟同女友去左状元坊买野，女友就比人偷左部N73啦。
本来讲，我地都林住认命啦，点知我又好死唔死，林起无远有间二手手机市场（人民路228号隔离），甘米抱住侥幸既心理去睇下有无啦。
点知，真系比我地稳到喔。
本来失而复得既感觉好开心，点知原来个贼已经出左货比个店家（肥佬A及其丑样老婆，响第一层既最后果间），甘我女朋友见到（因为上面就系我女友张相，个肥佬仲要系甘睇里面既相）梗系好开心啦，一野抢翻来啦。
我果阵仲比较激动，就马上要求个肥佬将部手机归还啦。个肥佬老母都唔认系贼赃，我米将部手机里面D相（我女友既相）比附近既人睇啦，马上顺便打左110叫警察来咯。
最后悔既事情来啦，个肥佬不断甘抢部手机，因为距知道如果D警察真系来左既话，距岩岩比既钱就一分钱都无晒啦。有个着住便服既自称保安，要求将部机归还比个肥佬，我抱住我就响度望住你都唔敢做咩既态度，由得距啦。点知距果个丑样老婆，马上拿店里面既一部N73，就响我面前换左，仲马上交比第二个拿走左。
跟住差佬来到，我地不停甘讲，讲到翻差馆都系无用，就系因为我当时无渣实个物证，讲咩都无用，最后眼白白甘望住果只肥佬同距老婆走人。期间，里面一个人都唔愿意出声，就系眼白白甘睇。
话比大家两样野：第一，唔见手机马上去果度稳，好多时都有可能稳到，而且要冷静，见到自己部机唔好激动，扮买手机睇清楚先，睇完出去报110等差佬来。第二，唔好去帮衬果度既手机，基本上都系偷翻来既，你帮衬距一部等于鼓励D贼再去偷多几部，偷唔偷到你自己身上，你地林清楚啦。如果可以既话，帮小弟传递下消息，在下不胜感激。
